estas la titolo de instrua DVD-disko pri la libana stilo de orienta dancado, kiun aperigis la svisa dancistino kaj instruistino MEISSOUN. La disko estas destinita por spertaj dancistinoj kaj enhavas dekkvin lecionojn en sep lingvaj versioj, parolataj de koncernaj gepatraj lingvanoj. Cetere estas trejnparto sen komentoj, danc-prezentado kaj la tekstoj de la instruado en pdf-formato je dispono.  Sarlanda Esperanto-Ligo instigis la esperantlingvan version kaj kunlaboris ĉe la realigo. Same kiel UEA per la "Serio Oriento-Okcidento" ni intencas kontribui al interkultura kompreniĝo - kaj promocii Esperanton al ne-esperantistoj. La ĉapelitaj literoj en la leciona submenuo kaŭzis bedaŭrinde tiparan kongruproblemon. Sed tiu submenuo helpas al lernado kaj ne estas nepre bezonata dum prezentado de la disko antaŭ publiko.

foto: MEISSOUN  prezentas vualdancon

En la revuo MONATO - marto 2005 - aperis artikolo kun fonaj informoj pri la temo.