La instruado de Esperanto estas fiksa parto de la agado ne nur en Sarlando, sed ankaŭ ĉe la Asocio Espéranto France Est. Al celkonscia lernado apartenas kontrolo de la rezultoj, despli, ĉar plej ofte lernado okazas memstudante. Multaj gesamideanoj konscias pri tio, sed ne povas vojaĝi pro la ekzamenoj al UK aŭ ne deziras perdi dum tiu unika evento horojn sidante super ekzamenaj taskoj.  Tial ni invitis en la jaro 2005 ILEI, okazigi enkadre de la Kultura Semajnfino la Internaciajn Ekzamenojn -  unuan fojon en Germanio ekster Universala Kongreso. Ĉiuj partoprenintoj sukcesis.  Ni pretas, ripeti la inviton al ILEI, se ni disponas ĝustatempe (laŭ la labor-ritmoj de ILEI kaj ni almenaŭ kvar monatojn antaŭ la evento) pri sufiĉe da partoprenantoj.
Se Vi interesiĝas pri la ekzamenoj, bonvolu atenteme trarigardi la klarigojn, la regularon kaj ekzemplajn taskojn publikataj sur http://www.edukado.net
Bill Maxey (Usono), antaŭa sekretario de la Internacia Ekzamena Komisiono de ILEI:	"La kerno de la Internaciaj Ekzamenoj estas, mezuri la kapablon praktike uzi Esperanton. La plej bona preparado ne estas, nur studi la lingvon, sed uzi ĝin, kiel eble plej multe kaj diversmaniere."